Muitas de las palabras terminadas an pertués an ‘’-ario’’ an Zenízio siempre las oubi cul sonido ‘’-airo’’. Assi, quando nacie un garoto tardiego lhougo ls bielhos dezien, este yá nun se lhibra dun ambentairo de menores; la burra stá prenhada de l cuntrairo, assi se dezie quando la burra staba cubierta de l cabalho; aqueilhes fúrun boluntairos pa la marina, assi se dezie de ls moços que íban pa la marina antes de tirar las suortes i de Zenízio fúrun muitos boluntairos pa la marina.
Hai outras palabras que siempre las oubi cul sonido de -airo, eisemplos: almairo, cunfessonairo, campanairo, secundairo, rosairo i outras haberá.
Francisco Domingues
Buonas nuites Fracisco,
ResponderEliminarInda bien que benes eiqui a dar la anformaçon subre Zenízio. I serie antressante que se dira subre mais tierras, cumo yá dei de Sendin i Alcides de Cicuiro. Puode ber-se tamien l Pequeno Vocabulário de l Padre Moisés Pires adonde hai muita palabra cun essa forma.
La eideia que tengo ye la seguinte: hai muita tierra adonde se usa bien l sufixo -airo; este sufixo ye mais arcaico, mas ten-se benido a perder i a ser sustituído por -ário, cumo hai muito se dou ne l pertués; nesse sentido cuido que debemos scolher la forma mais antiga, çque steia an uso, i ye esso que se ten feito. La scuolha ben de que essas palabras eisísten mesmo, l que a las bezes falta ye anformaçon i hai que la ajuntar i nun sermos apressiados.
Por mi, nun beio porblema an que se scriba de las dues maneiras, al menos muitas palabras an -airo i -ário.
Un abraço,
Amadeu
Pus que Dius bos al pague ! La cousa sta clara agora pra mie !
ResponderEliminarlos femininos van tamien con "aira" ou ye solo l masculino?
ResponderEliminar