Tanto na Proposta de Convenção, cumo na Convenção Ortográfica aparécen ls nomes de ls meses de l anho. Cuido que se justefica dezir algo subre esso i acertar la scrita an relaçon a dous meses:
Janeiro / més de las giladas
Febreiro / més de las nubrinas
Márcio / més de San Jesé
Abril / més de la Páscoa / San Marcos
Maio / Santa Cruç / més de la yerba
Júnio / San Juan
Júlio / més de la segada
Agosto / més de la trilha
Setembre / més de la bendímia / més de l Naso
Outubre / més de la sementeira / més de l rosairo
Nobembre / més de ls Santos / San Martino / més de las almas
Dezembre / més de l Natal / més de las matáncias
Na Cumbenço1999, p.61, nun aparécen las formas júnio i júlio, mas junho i julho, como an pertués, mas las formas que siempre oubi an Sendin fúrun las purmeiras. Serie buono que cada pessona dezisse la palabra ousada na sue tierra.
Ls nomes populares fui-los oubindo ou bendo screbidos por bários lhados. Serie antressante ber qual ye l sou uso ou se hai outros que nun stan na lista.
An Samartino chaman Nobembre, Abiento ou inda houbo outra pessona que me dixo Adbiento. Mas la palabra mas curreta, ye nesse caso, Abiento. Ya qu'al "d" zaparece entre "a" e "d", i.e : abogada.
ResponderEliminarYe mie bo que diç Abiento, i fui-me cunfirmado ya por miu pai i un bezino deilha. An Cicuiro, mie mai diç que nunca oubiu assi.
An Bal d' Aila tamien se diç Nobembre, adbiento. Stou an crer que se deberá a la forma cumo se scribe e pronuncia l mirandés nesta zona mais raina de Miranda. Tamien para Abril dezimos, augas mil.
ResponderEliminarSi, la pessona de Samartino que me dixo Adbiento acho que saba ler. An que mie bo nun sabe, i anton diz la palabra amirandesada ou seia sien "d".
ResponderEliminarhttp://www.furmientu.org/01Documentos/999997El%20llumbreiru%209.pdf
ResponderEliminarMirai ende cume eilhes tamien dizen San Juan... I nas paiginas dal palabreiro (p.2) hai la palabra "tagallo" (lembras-te Turtulhas ?)
Anton cume no, s'eilhes falan la mesma lhiengua !
Buonas nuites Amadeu,
ResponderEliminarAn Zenízio quando you era garoto houbie dezir de ls meses:
Janeiro-giladeiro, Febreiro-namoradeiro. Márcio-ancanhárcio, Abril-spiguil i augas mil, Maio-granaio, Júnio ou San Juan-més de l feno i de l pan, Júlio- més de la segada, Agosto- més de las trilhas, Setembre- més de l Naso i de las semanteiras, Outubre- més de las bandimas, Nobembre-Més de ls Santos i Dezembre- més de l Natal.
Un abraço,
Francisco
Buonas tardes!
ResponderEliminarLas pessonas que you cunheço i que diç que fálan Mirandés an San Pedro i an Palaçuolo dízen ls nomes de ls meses - todos - tal i qual cumo an Pertués.
D'arreparar que hai uns que dízen, por eisemplo, AN Maio i outros que dízen NO Maio.
Abraço
Abraço