Regras de l blogue

Regras por que se bai a gobernar este blogue:

1 - L mirandés ye la lhéngua oufecial de l blogue, debendo la sue scrita respeitar la Cumbençon Ourtográfica de la Lhéngua Mirandesa i la sue Adenda.
2 - Cada partecipante puode, assi i todo, screbir ls sous artigos ou fazer ls sous comentairos noutras lhénguas.
3 - Respeitar la lhéngua i la cultura mirandesas.
4 - Ser a fabor de ls dreitos de las pessonas, nun se aceitando caminos de racismo i outras neguilhas aparecidas, cuntrairas a la houmanidade.
5 - Çcutir eideias i nunca çcutir ou atacar pessonas.
6 - Anterbenir de forma séria, l que quier dezir, an special: coincer l que yá se dixo subre l que stá a ser çcutido; fazer proba de l que se diç, nun atirando cun palpites al aire sien qualquiera fundamiento.
7 - Todos ls partecipantes assinaran ls sous testos de modo que queda claramente eidenteficada la pessona que scribe.


Anterbençon de la admenistraçon de l blogue:

- quien nun respeitar las regras berá ls sous testos apagados;
- se alguien se sentir oufendida/o debe de star abierta/o a resolber todo a bien, cun mediaçon de la admenistraçon se fur perciso;
- la admenistraçon poderá fazer modeficaçones ne ls testos, mas solo para corregir gralhas an que tal se justefique, para ouniformizar la lhetra de l blogue, i para poner chabes de busca.


La Quadrilha

Poderá fazer parte de la Quadrilha de l blogue, qualquiera pessona que querga partecipar na çcuçon i lo pida pa la caixa de correio eiletrónico cumbenconmirandesa@gmail.com, que será la caixa de correio oufecial de l blogue, ou por outro modo.